O próximo 22 de xuño vaise celebrar a primeira Geocamp ES en Bouzas, Vigo.
A reunión está inspirada no concepto de Barcamp, un encontro aberto a todo o mundo e xestionado polos propios participantes, onde se comentan e comparten ideas nun entorno aberto. Poden tratarse temas que xiren arredor da etiqueta “GEO”, como localización, mapas, mapas sociais, programación, servizos na nube, usabilidade, deseño, e calquera outro tema que xurda.
Inspirada nas edicións celebradas en Portugal, esta será a primeira edición da geocamp ES, que tentará xuntar os principais actores do panorama xeo internacional.
A geocamp ES é un proxecto sen ánimo de lucro, organizado por xeoinquedos e ghandalf, e que conta co patrocinio da AMTEGA.
Pode seguir os detalles da actividade a través do seu web, ou dos seus perfís en Facebook (facebook.com/geocampes) e Twitter (@geocampes).