A Oficina de Software Libre colabora no patrocinio deste evento, no que estarán presentes os gañadores da pasada edición do Premio ao mellor proxecto fin de carreira, Pablo Belay e Esperanza González.
O aRtropocode contará cunha mestura de persoas e colectivos que chegarán tanto desde toda a Península coma de puntos internacionais, co obxectivo de traballar en rede e potenciar o contexto local.
A nivel de contidos en desenvolvemento, atoparemos investigacións en liñas experimentais, impresión dixital 3D orientada a próteses corporais, hardware libre orientado a un modelo aberto de ciencia, a revolución tecnolóxica da filosofía da diversidade funcional, ou propostas performativas que integran drons (vehículos aéreos non-tripulados) e sonifican o movemento dos corpos no espazo, por poñer algúns exemplos.