Acaba de abrirse a fase de votacións para a 5ª edición dos premios PortalProgrmas ao mellor software libre 2013, que trata de recoñecer o software libre que maís influíu nos avances tecnolóxicos.
Existen un total de 10 categorías, entre as que podemos atopar o “Mellor software libre para móbil”, “Maior potencial de crecemento”, ou o software libre “Esencial para empresas”. Dentro de cada unha delas, podemos atopar unha lista de nominados aos cales emitir o noso voto.
Esta fase de votacións, estará aberta ata o 16 de decembro, e calquera usuario poderá votar polo seu software preferido en cada unha das categorías dos premios.
É necesario premiar o software libre porque en moitos casos non se coñecen os programas e as tecnoloxías libres que permiten que poidamos utilizar os avances na tecnoloxías que temos hoxe en día. Con estes premios todo tomamos conciencia do importante que é o software libre no noso traballo diario. Ademais, detrás de cada proxecto hai un grupo de persoas que lle dedican tempo, coñecemento e recursos ao seu desenvolvemento. E grazas a iso somos millóns de usuarios que dispoñemos de software útil, de calidade e seguro.
