Hoxe en día non hai ningún foro nin sistema enfocado á comunidade galega onde os utilizadores de programas ou sistemas operativos de software libre poidan consultar e ser atendidos por outros usuarios galegos en calquera tema que teña que ver coas tecnoloxías libres.

O funcionamento de Preguntoiro é simple, alguén pregunta e, se outro o sabe, responde. Incluso poden ser varios a responder e os visitantes poden premiar aquelas respostas máis acaídas ou que máis prácticas fosen.

O sitio está enfocado a estudantes, técnicos e público en xeral.

Anímate a participar, pregunta, responde!

Este software tamén foi adaptado ao galego pola OSL que o pon a súa tradución a disposición pública.