O 1 de agosto lanzouse a versión 3.6 de WordPress. Todos aqueles sitios instalados baixo este popular sistema de publicación xa terán recibida a notificación da dispoñibiidade desta versión.

A nosa web xa está actualizada, e consigo trae algunha novidades interesantes:

• Novo tema por defecto. Novo Twenty Thirteen, baseado nos contidos e cun deseño dunha soa columna, axeitado para un blog cheo de contidos media.
• Autogardado e bloqueo de entradas. A túa entrada gárdase de xeito automático cada 15 segundos para que non perdas o teu traballo.
• Melloras na reprodución de son e vídeo. Reprodutor propio baseado en HTML5, para evitar o uso de servizos externos.
• Melloras nas revisións das entradas. Gárdase cada cambio feito nos artigos, e coa nova interface é posible navegar polos cambios liña a liña.

E outras moitas que podes consultar no blog oficial de WordPress Codex.

Unha das cousas que máis se agradece, é que a través do Panel infórmase das principais novidades da versión actual, e que cun pouco de tempo podemos analizar con calma.

Pero se non che gustar ler, podes coñecer algunha das novidades a través do seguinte vídeo.