Xornada de presentación de software con licenza libre para uso científico.

Organizada pola Asociación MeLiSA.
O acceso é libre, e a inscrición de balde.

É un pracer poder convidarte a participar na III Xornada de presentación
de Software Libre para uso científico, que terá lugar o próximo 27 de
febreiro de 2020, na Aula Magna da Facultade de Matemáticas [1] da USC [2].

O obxectivo principal desta actividade é o de compartir coñecementos e
experiencias arredor do Software Libre de uso Científico, e coñecer ferramentas que poidan axudarnos nas actividades de investigación e desenvolvemento.

A xornada está organizada pola Asociación de Usuarios de Software Libre
da Terra de Melide (MeLiSA) [3], e conta co apoio da AMTEGA [4] e da
Facultade de Matemáticas da Universidade de Santiago de Compostela.

O acceso é libre, e a inscrición de balde, que pode realizarse na
seguinte ligazón:

https://xornada.melisa.gal/#formulario

Vémonos o 27 de febreiro na Facultade de Matemáticas para falar de software científico!